Լաբորատորիան ձեռք է բերել ՀՀ տարածքում միակ էկոլոգիական վերահսկողության սարքը՝ «БИОТОКС 10М»–ը, ինչը հնարավորություն է տվել իրականացնել օծանելիքակոսմետիկական արտադրատեսակների թունավորության ցուցիչի որոշում in vintro եղանակով, որը ի տարբերություն in vivo եղանակի չի պահանջում փորձարկումներ կենդանիների վրա, ապահովելով մարդասիրական վերաբերմունք, ինչպես նաև սարքը հնարավորություն է տալիս իրականացնել մեծ թվով նմուշների արագ անալիզ։

Լաբորատորիան ձեռք է բերել՝ Biobase Bioland CO.,LTD ընկերության կողմից արտադրված Ատոմային աբսորբցիոն սպեկտրաչափ (AAS)՝ գրաֆիտային և սնդիկահիդրիդային կցորդներով: Սարքը հնարավորություն է տալիս որոշել քսան անուն մետաղների պարունակությունը փորձարկվող նմուշներում։ Գրաֆիտային կցորդի օգնությամբ որոշվում են՝ ալիումինիումի, բարիումի, բերիլիումի, վանադիումի, վիսմուտի, երկաթի, կադմիումիի, կոբալտի, մանգանի, պղինձի, մոլիբդենի, արսենի, նիկելի, անագի, կապարի, սելենի, արծաթի, անտիմոնի, տիտանի, քրոմի, ցինկի զանգվածային կոնցենտրացիաները: Սնդիկահիդրիդային կցորդի օգնությամբ որոշվում են՝ սելենի, բիսմութի տելուրի, ծարիրի, կադմիումի զանգվածային կոնցենտրացիաները։

Լաբորատորիան ձեռք է բերել Օպտիկական և էլեկտրական չափիչ գործիքների և համակարգերի արտադրության առաջատար հանդիսացող LISUN (Չինաստան) ընկերության կողմից արտադրված LMS-7000 VIS սպեկտրոդիոմետր՝ ինտեգրվող գնդով։ LMS-7000 VIS սպեկտրոդիոմետրը оգտագործվում է լույսի տարբեր աղբյուրների, լուսադիոդային լամպերի, լուսային սարքերի ֆոտոկենսաբանական անվտանգությունը որոշելու, ինչպես նաև ֆոտոմետրիկ, կոլորոմետրիկ, էլեկտրական պարամետրերը չափելու համար՝ համաձայն ԳՕՍՏ 62471-2013։ Գնդի տրամագիծը – 2մ, ալիքի երկարության միջակայքը – 350 – 950 նմ։